Chan Chan te Inchungkhar kong NayNay nih a chimmi

Singer Chan Chan le Bone Thaik te nuva cu a luancia 2017 kum November thla ah kaphnih hnatlak nak in a rak i then mi an si. Chungkhar a then hnu ah Chan Chan nih kei cu nuam tein um ka zuam tiah a ti.


Chan Chan a u nu Nay Nay nih tulio a nau sining cu a rak chim ve.“Tu lio caan ahcun a nih cu nuam tein a um ko. A nuamh ka hmuh mi cu ka duh piak bik mi a si. Kei nih ka nau nu caah thla ka cam piak peng. A herh caan paoh ah bawmh a ka hal zong ah timh cia tein ka um” tiah a ti.


Duhdawtnak lei ah Chan Chan a thinlung a hah nak kong he pehtlai in Nay Nay nih “Mah kong ah ho hmanh harnak a pe hna lo. Minung pakhat nih nuamh caan a ngei, sungzatlak le ngaihchiatnak a ton caan zong a um ko lai. Nuamh caan zong ah i nuamh tuk ding a si lem lo. Cun sunghzatlak nak ton caan zong ah hei tuar ding si ko. Cun i hrimthan hnu ah thawh khawh i zuam than kan herh. A nih zong tu a hrimthan cang i hmailei a khuasak ning a tluannak ding lawng hmuh ka duh” tiah a ti.

Image result for ခ်မ္းခ်မ္း family
Chan Chan te an i fonh than ti lai lo ti mi kong ah Nay Nay nih”Midang nih zei tluk in chim len ko hna hmanh seh amah nih a hnangam nak ding caah bia a khiah cang mi a si. Kei cu ka uar ngai ko. Dik tein chim ning law minung timi cu kan mah thatnak ding caah ah khua khang mi kan si. Kan mah ca thatnak a chuah pi lo ding si cun kal tak ding si ko” tiah a rak leh hna.

#Burmese.Asia

Be the first to comment

Leave a Reply

Your email address will not be published.


*