Na phaisa bawm chung ah senh bak lo ding thil phun (6)

Phasabawm cu nu lawng si lo papawl zong nih i chawh leh nak hmun paoh ah i ken cio mi thil a si. Tamdeuh cu phaisa lawng si lo a dang a herh mi paoh phaisa bawm chung ah an senh chih tawn hna. Phaisa bawm cu chawhvah nak hmun paoh ah i put cio mi thilri a si. Phaisabawm chung ah kan caah a herh mi thilri pawl ken nak ah kan hmanmi zong a si. Sihmanh sehlaw phaisa bawm chung ah senh bak lo ding thil pawl an um. Cu hna cu-

1. Phone


Phaisa bawm chung ah senh bak lo ding a si. Phone tamdeuh cu phaisa bawm chung ah a tlum thlu lo. Sihmanh sehlaw tuchan ahcun phone senh khawh mi phaisa bawm an chuak len cang. Na phone cu phaisa bawm chung ah na senh ahcun hmunhma tampi a lak caah a dangdang senh a har ngai cang. Cun a biapi bik mi cu phaisa bawm chung ah mastercard le ATM pawl senh chih kan hmang. A cheu card pawl cu phone in a chuak mi cell phone wave a tuar kho lo mi an um. Cu caah card a cheu cu rawh an hmang. Cun na phasabawm cu an in fir piak si lo le na philh sual ahcun phone he phaisabawm he pahnih ning in sunghkhawh a si. Cucaah phaisa bawm chung ah phone senh lo a tha.

2. Passwords


Mah hi cu senh bak lo ding thil a si. Mi cheu cu passowrd an i hmah thah nak catlap si lo le diary fa te te cu phaisa bawm chung ah senh chih an hmang. Mah password na tialnak ca na senh mi phaisabawm a tlau sual ahcun na phaisa lawng si lo in pumpak na herh mi data vial te, ATM le a dang mastercard i passowrd na hmahthah nak te pawl na senh chih hna ahcun na caah sungh nak a chuah pi lai.

3.Passport/Hmatpungtin


Passport le Hmatpungtin cu phaisabawm ah senh ding an si ve lo. Na passport mi dang kut chung a phak sual si cun na passport hmang in thil tha lo a tuah kho. Cucaah passport cu phaisa bawm chung ah senh ding a si lo. Cun hmatpungtin zong senh ding a si fawn lo. Hmatpung tin cu banks te pawl ah phaisa lut chuah nak caah hmanbik mi a si. Cu caah na hmatpungtin zong phaisa bawm chung ah senh bak lo ding mi a si.

4. Bill Catlap pawl


Mah chung ah phaisa na hluai nak catlap le ATM na hman hnu ah an chuahpiak mi catlap tibantuk pawl zong senh ding an si lo. Mah bantuk catlap pawl cu na herh ti lo mi an si cun hlonh hna. Na herh rih ding si ahcun thate in fim i zuam a hna. Zei catiah mah catlap thawng in na ngeih mi na phaisa sining le na banks data pawl cu midang nih an theih khawh caah a si.

5. Tawh


Phaisa bawm chung ah na inn tawh na senh bak lai lo. Phaisa bawm a ngan deuh a ngei mi hna nih an tawh pawl cu senh chih an hmang. Na phasbawm chung ah na address, cun nang mah he a pehtlai mi passport, Hmatpungtin te pawl na senh chih i a bik in na inn tawh zong na senh chih a si ah cun nangmah nih harnak na kawl pakhat a si.

6. Phaisa


Donghnak ah phaisa titik ah nan khuaruah a har ko lai. Chim duh mi cu phaisa tamtuk i senh khi a si. Phaisa bawm chung ah phaisa tamtuk i senh ding a si lo. Phaisa tamtuk hman na herh caan ti dah lo cun ni sawhsawh ah tamtuk senh ding a si lo. Zei catiah phaisa bawm cu fir le tlau a fawi tuk caah a si. Cu caah na phaisa bawm chung ah phaisa tamtuk i senh ding a si lo.

Be the first to comment

Leave a Reply

Your email address will not be published.


*