Na theih rih lomi : Baby Powder a thathnemnak

Mi tampi nih hngakchia thuh mi ( baby powder ) hi hngakchia ca lawng ah kan ruah , a hman thiam ahcun a thatnak  a tampi , na herhnak zawn ah an bawmh khawh ngai ko lai .

(1) Mit hmul a chahnak caah hman khawh si

Na mit hmul kha (mascara) in voikhat thuh law baby powder tlawmpal kha na mit hmul ahkhan thuh than , a cung ah  mascara in khuh than law na mithmul cu a chah lai i a dawh khun ko lai.

(2) Thi a ngerhmi caah hmankhawh a si .

 

Na thi a ngerh , a tawn tikah powder kha tlawmpal tein phulh law na kutdong in duhsah tein na hnor piak ahcun fawi ten  na phoih khawh ko lai .

(3) Dry shampoo caah hman khawh a si.

Na sam/lu hnawm i tawl caan na van ngeih deuh lo caan ah na sam ah powder tlawmpal thuh piak , na lu kha din ten  hmeh piak law na sam cu caan tawi caah cun a thiang colh ko lai .

(4) Thil cung ah chiti le a tlormi pawl thianhnak

Na thil ah chiti /tlor mi pawl a neh sual ahcun a nehnak zawn ah baby powder kha a chung le leng he na thuh piak lai, na kut in din tein na hnor piak lai , suimilam (1) hrawng na chiah hnu ah na suk lai i a tlormi cu a lo colh ko lai .

(5) Na kee le phanat ah these le hnawm pawl a benh mi thianhnak

Rili kam kal tikah ke ah these pawl a benh tikah ti in tawl hau loin baby powder na phulh ahcun a mah tein a tla dih ko lai . Na kedan kha ti in na tawl lengmang ahcun a rawk fawi caah powder na phulh piak ahcun a thiang dih ko lai . Mah ning hin  motor ah these pawl a benh mi zong thianh khawh a si .

(6) Ihphahkhuh pawl Pian ternak

Na ihphahkhuh karlak ah baby powder tlawmpal na phulh piak ahcun a rim zong tha , a ih zong a nuam tuk .

(7) Inn zuat satil thianhnak caah a tha

Inn zuat satil pawl kha tikholh caan na ngeih locun baby powder thuh piak , muai piak law a thiang ko lai . A mit le hnar ah luh ter lo ding .

(8) Waxing tuah tikah a fawi deuh

Waxing tuahnak ding kha baby powder thuh piak , wax cu vun he a benh deuh caah hawk tik zong ah a fak ti lo . Waxing tuah hnu ah taksa a sen mi pawl zong a dam deuh .

(10) Inn zuat pawl hnawmtam a fim khawh

Inn ah zuat mi uico le chizawh pawl nih inn chung ah an ek ahcun mah zawn ahkhan baby powder na phulh piak lai . Suimilam (1) a rauh hnu ah na ruh piak lai , a rim zong a lo dih lai .

 

Be the first to comment

Leave a Reply

Your email address will not be published.


*