NA KUTTIN HMANGIN NA ZIAZA RAK I BIH VE

Na kuttin chirhchan in zeibantuk minung dah na si i, zeibantuk nuncan ziaza dah na put timi hi theih khawh a si. A tanglei ahhin zeibantuk ziaza dah na ngeih ti hung bih ve.

A sau tung i kil pali a ngeimi

Na kuttin a sau i kili ngei a si ahcun mi hawikomh a zuam ngaimi na si tinak a si. Mi lungtha thawhter a thiammi na si pinah na duh ngaimi zong a si fawn. Mithar chawnhbiak le thilthar tete tuah hi na duh tuk i nikhat hnu nikhat in na vawlei kauhter chinchin a duhmi phun na si.

Riantuan te pawl zongah, “voihnih tah, voikhat cik,” tiphun khi na tlaihtleng a si. Thiltha tuah ai zuam pengmi na si i harnak caan zongah a si khawh chungin chanchuahtu si a zuammi na si. Mi thianhlimmi na si. Cun, thil tuah lai zongah biatak tein i ruah hnu lawngah thil a tuahmi phun na si.

 

A kau i a phengmi

Na kuttin a kauh i a pheng a si ahcun milung thiang taktak na si tinak a si. Mi khuaruah thiam na si i zei na tuah lai poah ah khuaruah bu tein a cawlcangmi na si. Na hawile nih pakhatkhat an ton caanah na sinah an ra i, fimchim dingin an in hal tawn. Nuncan ziaza ah zohchun awktlak na si i, zei na tuahnak paohah faak piin ai zuam lengmang mi na si.

Muidawh nakin thathnemnak tete hi a biapi ah a chia deuhmi na si i biakhiah tik zongah rinhchan awk a tlak ngaingai mi na si. Na khuaruah tuaktan ningcang an tha i math ti phunphai na uar ngai.

 

A pum tung i ai kualmi

Mi kuttin pum i ai kualmi na si ahcun na creative ngaingai tinak a si. Na pawngkam um a nuam i hawi ser zong na thiam. Hawi pakhat na ser cang hnu cun, nun chung an caah zumh awk na tlak. Na dawtmi hna kilvennak caah zeipaoh a tuah ngammi zong na si fawn.

Tihmi ngaingai a ngeilo mi na si i, bia na khiah cang hnu ahcun let phunphai cu na duh ve lo. A cheu nih cun mi lungkhong na si an in ti tawn lai. Nain, na duhnak a si ko ahcun a poi ah a chia lemlo mi na si ve.

A tawi tung i a sawngmi

Na kuttin a tawi i a sawng phunphai hna a si ahcun mi lungthin hnem na si tinak a si. Bia pakhatkhat na chim ah nai biatak i, duhfaak ngai in na chim. Hawi le kom ser ti pawl ah nai ralring ngaingai. Mi biachimmi ngaih na huam ngai i pakhat le pakha i pehtlai zong na huam ngaingai.

Nifatin nunnak ah tlaitleng a ngei ding dirhmun silaw,”Ti zong a thuk ko,” ti hi a si kho men. A ruang cu ruahnak le tuar ingnak te pawl a um timi ruahnak na ngei. Cuca’h cun, bia na chim caan poah ah midang nih an rak in ngaihpiak. Zeitluk biafaak a si ko zongah, na hawile sinah biatak, biahman a chim pengmi na si.

Kili si tung i ai ruangmi

Na kuttin ai ruang i kili a ngei ahcun mihruai khawhnak a ngeimi na si. Thil na tuahmi kip ah na thiam i a si ningcang zong na thei. Na hawile nih an in bochan i thil biapi deuhmi ahcun nangmah hi an in zumh hlei khun tawn.

Phiat-laan (shortcut) a uar lem lomi na si i, thil na tuah cangmi cu a dih hlan lo ngol a duh lomi na si fawn. A caancaan ahcun nuamhnak tuah tbt tete zong a uarmi na si ve.

Kilthum ngeimi

Kuttin kilthum di-zaan (style) a ngeimi na si ahcun zeidah ka caah hrangah a tha bik ti a theih khotu na si tinak a si. Na miduh a faak i a lung zong a khong ngaingai mi na si. Cheukhat nih cun mei thingthu tiah hi bantuk hi de-zan a ngeimi hi an auh hna. Aruang cu na duhmi cungah cun tihmi na ngei lo. Nai lak colh top ko.

Nifatin na nunnak ah tlaitleng na ngei dingmi cu,”Fim buin tuan, faak piin siloin,” tiphun hi a si. Aruang cu thil tuah nai timh ah khua na ruat hmasat ta tawn. Faakpin ai zuammi na si i a theipar zong na zun lengmang theo tawn.

A sau tung i arti de-zan a ngeimi

Na kuttin a sau i arti di-zan bantuk a si ahcun a creative ngaingai mi na si tinak a si. Vawlei hmangin thawngnak le thazaang a ngahmi na si. Vawlei a daw i a tlaihchanmi na si pinah seih-ku-yin zong a thawng ngaimi na si fawn.

Na thinlung dihlak in peksiang a hmanmi na si i mi a duhdaw duh ngaitu zong na si fawn. Na tuahmi kipah nai pek tuk. Amahbelte, hnahnawh lurit ti phunphai lam cu na chei bak ve lo.

Kuttin ai rinmi (Hibantuk kuttin hi a ngeimi an tlawmte)

Hibantuk kuttin na ngei a si ahcun hawilam a zul ve lo, hawi theihhngalh lo phun na si tinak a si. Thilruk, inn, le na mi uarci khi a sawhsawh an silo i hawidang he tahchunh ahcun an i dang ngai. Mi nunnem le milung a la ngaimi  zong na si fawn.

Nuam te pawl an duh caanah an in fuhpanh theo tawn i na tuahmi thil kipah a nuam khawh chung nuammi zeipoah tuah na duh. Cucaah cun a si men lai, na tuahmi tete zoh tikah soisel awk a si i a toh lem lomi ngaingai an um tuk lo.

A cunglei i kan tialmi hna hi an dihlakin an hman dih lo kho men a ruang cu mitam u chirhchan in tuahmi a si. Zatuak in purhdah (research) mi a si i 100% chungah 99.5% hrawng an silai tiah tialmi a si.

 

CC: littlethings.com

Be the first to comment

Leave a Reply

Your email address will not be published.


*