Tu Ka Pasal A Si lo Mi, Pa Dang Ka Hlam Cu Kei Mah Palh A Si Maw?

Tu Ka Pasal a si lo mi, Pa Dang ka hlam cu Kei mah palh si maw?

Kei mah le ka pasal kan i thitumhnak hi kum 10 renglo a si a cang.  cu chung ah ka sining pakhat van i phuan ka duh, kei mah nih pa dang pakhat cung ah ka thinlung a cam peng, a duh zong ka duh taktak.

“A Nih” cu a tu leklek in pangpar hna a rak ka pek lengmang. ka pasal nih cun, kan i thitumh ni hna kha, a philh bak in a philh cang.

“A Nih” cu ka sin ah a ra tawn i “Kan Duh Dawt tuk” tiah a rak ka chim lengmang. ka pasal nih kei cu a hlan bantuk in kai dawh ti lo caah fih na nung ti hna in a ka ti tawn.

“A Nih” cu  ka duh mi le ka uar mi ei ding tibantuk hna kha, a ka ei pi tawn, kal ka duh nak hmunhma hna ah a kalpi tawn. ka pasal cu zan chiarte beer a ding in TV lawng a zoh peng.

“A Nih” cu zing ka thawh ah coffee thawh tein a ka tuah peng lengmang. Ka Pasal cu, kei manh lo i zanriah thawh tein ka chumh thiam lo ah cun a thin a hang tawn i buai nak lawngte a kawl.

“A Nih” cu  ka rian vialte kha a ka bawmh dih tawn lengmang. ka pasal nih cun zeituk in rian ka tuan zong ah “zei hmanh a thahnem lo mi nu” tiah a ka auh hnawh tawn.

Asinain…….

Asinain kei cu, pa dang ka duh mi sin ah kal awk ka tha ti lo. a ruang cu…..

“A Nih” padang ka duh ka ti mi cu, a luancia kum 10 lio ka pasal kha a si. Kum 10 chungah ka pasal cu a zeizong tein ai thleng dih, kei mah he ai theih tuk lo mi bantuk in a um cang.

Tu ka pasal hi a luancia kum 10 lio i ka pasal bak kha a si van ti awk ah a har ngai cang, a ruang cu a sining ai thleng dih caah a si, a ka duh dawt nak zong a zawr dih cang. A luancia kum 10 chung i a zia le tu i a zia cu ti le mei bantuk in an i dang cang. A si khawh ah cun… a luancia mi kum 10 i ka pasal kha ka duh than i a hlam zong ka hlam tuk, a ka zohkhen ning le, ka cung ah duh dawt nak a ngeih ning, zei thil ka tuah paoh ah, a rak ka dirpi zunzal mi ka pasal kha ka hlam i a ngaih zong ka ngaih tuk. cu ruang ah a luancia kum 10 i ka pasal he hmunkhat ah van um ti than kha ka duh.

#Gandawin magazine

Ref: D Khit Media

Credit:……

Photo… Credit…..

Be the first to comment

Leave a Reply

Your email address will not be published.


*