Ngaihchiat nak Lungretheih nak kan ton mi pawl kha philh i lung dai te in le lungnuam te in kan um khawh nak ding ah bawm tu phun (6)

Mi nung hi kan mah kan i nuamh khawh nak ding ah cun kan mah tu kan biapi cem ko i mi dang nih ka nuamh ter hna seh ti hngak lo in kan mah le kan mah tu kha i nuam ding in kan um kha aherh mi asi. Hi vawlei ah hin nikhat hnu nikhat in lung re theih nak lawng te kan ton ko zong ah lung lawmh nak tu in ton khawh le co hlan khawh kha kan i zuam hna lai i zei tin dah lung nuam te in kan caan kan hman khawh lai …….

1. A tlam tling ko .. tiah chim peng hlah..

Mi pakhat i a nun nak ah hin a tlam tling peng ti mi cu a si kho lo mi asi caah a tlam tling ko tiah chim peng lo in a tlam tlin lo nak a um ah cun a tlam tling loh tiah chim ko.. mah kong lawng kha ruat peng fawn hlah.. kan nun caan a tawi tuk…

2. Caan tha ,caan rem hngak peng hlah..

Image result for girl

Thil pakhatkhat tuah ding ah , chim ding ah caan tha caan rem lawng na hngah peng asi ah cun nai timh mi a tlam tlin nak ding ah a fawi lai lo, a caan na luan ah cun na lung re thei lai i nai chir nak tu a tam deuh lai, cu caah cun na crush mi an um sual asi ah cun chim zok zok ko.

3. Kan lung chung um mi thil, bia kha i uam peng hlah..

Mi nung cu aho paoh ruah mi le lung chung i i uam mi cu neih cio asi , asinain mah kan i uam mi kha caan sau i uam lo in chim ko ,chuah ko. A hnu ah thi pakhat khat i uam ding mi a ra than te lai , nai uam peng asi ah cun i uam ding a rat than tik ah nai uam mi a tam tuk ah cun kan ngandam nak ca zong ah ral a si i kan nun nak tiang zong in ttih a nung mi asi.Cun mah kan i uam mi thil pawl kha mi dang kan hawi kom pakhatkhat sin ah phuan khawh i zuam hna usih , kan lung ,kan nun nak zong a zaang lai .

4. Kan mah le sining kha i sungh ter hlah..

Khoi ka hmun kan phak , zei ti kan um ko zong ah kan mah cu kan mah kan si ko,thil pakhatkhat ruang , mi pakhatkhat ruang ah na sining ,na dir hmun kha tang ah i thum lo in kan sining tu kha than ter i zuam hna usih.

5. Ttih hlah..

Image result for girl

Zei thil na tuah hmanh ah a ra ding mi kong ruah i ttih nak thin lung kan neih asi ah cun thil kan tuah hlan ah zat ceo cu kan rak sung cia cang , ttih nak thin lung neih cu sungh za tlak nak a kan phanh pi tu asi ,cu caah cun zei thil kan tuah paoh ah ral tha te in kan tuah asi ah cun tei nak hlawh tlin nak cu kan hmuh hrim hrim ko lai.

6. Mi dang i bochan hlah…

Mah hi hi cu mi nung kan i nuamh nak ding caah cun a bia pi bak mi asi, mi pakhatkhat nih nuam te in ka chia hna seh, mi pakhat khat ka duh nak hi thei thiam seh, mi dang nih ka thei thiam hna seh,tbk.. pawl nai ruah chan asi ah cun mah kha kha a dik bak lo mi asi, ziah tiah cun mi pakhat khat sin in thil pakhatkhat nai ruah chan chung paoh cu nai nuam kho lai loh i nai nuamh hmanh ah cikhat ca lawng a si lai, cu caah cun nang mah nai nuamh khawh nak ding caah cun nang mah le nangmah kha nai nuamh a hau i nang mah kha na bia pi bik ko .

sia herh nak he..Uhrian..

Be the first to comment

Leave a Reply

Your email address will not be published.


*