Ting Tampi Tangka A Ngei Ko Nain Kutdok Rian A Tuan Peng Mipa An Tlaih

Ting Tampi Tangka A Ngei Ko Nain Kutdok Rian A Tuan Peng Mipa An Tlaih

Cheukhat minung cu rian tuan huam lo in tangka fawite le awlzang tein hmuh a duh mi kan tam ngai ngai. Indonesia ram ah mipa pakhat minung sawhsawh nak in tangka zong a ngei deuh pin ah inn le lo tha ngai a nei ko nain kutdok rian a tuan mi ngawl sianglo in a tuan peng.

Cu pa cu a min ah Legiman tiah auhmi kum 52 hrawng asi mi pa asi i, lam kam ah kutdok in a um peng mi asi. Indonesia nawl ngeitu nih inn ngei lo kutdok in a vai mi um lo dingin an tlaih thluahmah hna i, Legiman timi pa zong January 12 ah an tlaih ve.

Palik lei nih Legiman cu an zohfel tikah, mah pa nih a ngeih mi tangka, inn le lo nih palik pawl cu an khuaruah a har te ngaingai hna tiah theih asi. Legiman nih American Dollar 18,000 man inn pakhat a ngei, cu pin ah dollar 19,000 man vawlei hmun zong a ngeih pin ah dollar 60,000 renglo bank ah ai chiah rih. cu ai chiah mi cu Indonesia tangka in ting 4 (kawlram kyats in ting 1500 dengmang) hrawng asi.

“Legiman an tlaih lio ah Indonesia tangka 192 (kawlram tangka 7,000) a kut cungah an tlaih chih. kan hnu zarh hrawngah an rak tlaih lio ah Indonesia tangka 190 he an rak tlaih bal nak cu nawl ngeitu chungin pakhat Udhi Nugroho nih chimphuannak a tuah. Tu an tlaih lio hi ruah a sur ngai caah mi chawklet an tlawm lio asi i kan hnuzarhnak in tlawm deuh a hmuh nak cu Legiman pumpak hrimhrim nih a chim”

A hlan ah an rak tlaih bal mi kutdok hna sin ah ATM card le Bank cauk a ngeih mi kutdok an tlaih bal mi chungah a um mi kong zong Udhi nih a chimphuan. A tu ah cun kutdok mirum tiah auh khawh zong asi mi Legiman cu an thlah than cang. Lam kam ah mi hal chawm in vaih ti lo dingin ralrin nak an pek.

Cu pin ah kutdok paoh hi mi sifak an si, ei awk an ngei lo tiah ruah i tangka pek lo dingin ralrin nak fakthanh zong an chuah tiah theih asi.

Ref: Tribun News , World of Buzz

Credit: shwemom.com

Be the first to comment

Leave a Reply

Your email address will not be published.


*