A Thilthuam Ruangah A Minthang Chinchin Mi

A Thilthuam Ruangah A Minthang Chinchin Mi Miss Tourism World 2019 Muidawh

Kum 2019 Miss Tourism World Intercontinental zuamnak ah pakhatnak a latu cu Philippines muidawh nu nih a ngah.  Cu zuamhnak cu Taluk ram Nanjing ah January 8 ah an tuah. Philippines muidawh nu Francesca Taruc nih lukhimh a coh. Mah nu hi kum 20 lawng asi i Model blogger pakhat zong asi. Mah an i zuamnak ah ai hruk mi thilthuam pawl zong a minthang ngai.

 

Francesca Taruc nih ai hruk mi angki fualpi cu Philippines alan (flag) he lo in design tuah i thitmi asi. mah angki fualpi ah arfi pathum zong ai tel. Mah angki design cu Benj Leguiab IV nih a tuahpiak mi asi. Leguiab nih Miss World Philippines 2018 muidawh Muhlach nih ai hrukmi angki fualpi a dum mi (blue) zong an rak tuah piak mi asi.

 

 

 

Mah angki fualpi ah an ram alan ai tel pin ah nika le arfi pathum zong telh in design an tuah mi asi. Miss Tourism World Intercontinental 2019 zuamnak ah Republic of Tatarstan nih First Runner up a ngah i, Ukraine ram nih Second Runner Up a ngah.

 

 

 

Miss Tourism World Intercontinental 2019 muidawh Taruc  hi Holy Angel sianghlei runn ah Mass Communication degree a ngah mi asi. Taruc nih a Instagram ah a post mi cu “Miss Tourism World Intercontinental 2019 ah Winner ka hmuh caah kai numa tuk, kai nuamh ning a chimzia hman ka thiam lo” tiah a ti, cu pin ah “Philippines ram ai awh in muidawh zuamhnak ah winner laksawng ka hmuh khawh caah kai lawmtuk tiah a chimchap.

Source atimes

Crd:SM

Be the first to comment

Leave a Reply

Your email address will not be published.


*