Zeitindah u le nau hi kan i rem/dawt deuh khawh lai

Unau ngei mi a tam deuh cu kan i daw tuk ko hna lai .Asinain a caan ahcun kan i si, bia kan al , pakhat le khat tei duhnak le ka bia ngai seh tiin kan um tawn hna . U le nau zong a caan ahcun kan i si lengmang cio ko hna lai. A bik in fa tam deuh a ngeimi nih cun kan fa le an i sik caan ah zeitindah nu le pa simi nih kan rem ter khawh deuh hna lai ti kha a tawi fian nak in kan langh ter .

(1) Kal tak chung ko

Na unau he nan i sik i na thinhun tuk cang ahcun ho hmanh um lonak khaan pakhat ah chikhat in kal tak chung ko . Asi lo cun na lung damnak ding ah chikhat lam leng piak .

(2) Nu le pa le upa pakhat khat he i caihhmainak tuah ko

Nan unau chung ah nek bik mi na si sual ahcun na nu le pa le upa deuh he caihmainak tuah ko .U le nau i remnak ding ah nu le pa nih ri an in chiah piak khawh hna lai .

(3) Nangmah umnak hmun ca ding lawng ah ri chiah mi ngei

U le nau si zong ah mah thilri te tibantuk in i ngeih hi u le nau karlak ah daihnak a ser tu pakhat a si . U le nau i rem lo biknak a ruang cu a mah ta, keimah ta , keimah umnak tibantuk i cuhnak ruang ah a si deuh mi a si .

(4) Ri na chiah mi cung ah upatnak ngeih piak

Nangmah ca in an in tuah piak mi kha uapt tein um law na unau dang zong nih an upat ve lai.

(5) Then awk tha lomi kha a caan tein hman khawh i zuam

Eg. TV remote hna kha an i cuh siahcun a caan tein khiak law hman ter hna .

(6) Ngaih piak hna

Nangmah duhnak pi lawng kha hmai ah chia hlah , na u nau lei i an chim mi le an duhnak kha ngaih piak khawh i zuam hna . Ka tuah mi cung ah ka u nau nih zeitin an ka ruah lai ti kha ruat hmasa , an ruah mi kha ngaih piak ve hna .

(7) Nuamhnak kha hmunkhat te ah hmang ti uh

Nan duhmi a khat mi cung ahkhan nuam tein caan dih ter i zuam uh , mah ti umnak in dawtnak a feh ter chin .

(8) A thatnak in hmuh piak i zuam

Na tluk caan zong ah teinak na hmuh caan zong ah na pawng a um tu ding cu na unau a si caah  dawt i zuam ko . Cun na nunchung nan i prhtlai ding mi a si caah huatnak nakin a that lei tu in ruah piak law nan caah dawtnak a thang ter tu a si lai .

 

အလင္းဦး(shwemom)

Be the first to comment

Leave a Reply

Your email address will not be published.


*