Phungning Tein Higuain Cu Tuni Ah Chelsea A Phan Lai By Sarri

Phungning Tein Higuain Cu Tuni Ah Chelsea A Phan Lai By Sarri

Chelsea coach Sarri nih Higuain cu club he tuni ah lungtlinnak sacho an tuah lai tiah fehternak bia a chim, cu pin ah Tottenham he chuih dingmi min cazin ah ai tel ding a fiang rih lo tiah chimphuannak a ngei.

Tottenham he an chuih hlan ah tuah mi press conference ah Chelsea Coach Sarri nih a chim mi cu

“Higuain hi a thiam ngaingai mi hmaikal pakhat asi. a hlei in Napoli ka phak kum ah a cawlcang ning a tha taktak mi asi. Tutiang coach ka tuan chung hmaikal vialte lakah ah a thabik timi chungah ai tel ve mi pakhat asi tiah chim khawh si. A nih cu Chelsea bantuk club ah chuih dingah hmuhtonnak a ngei cia cang mi asi.

Keimah ruahnak ahcun club lei zong nih tu ni ah tlamtling tein lungtlingnak sacho an tuah lai tiah ka zumh. kei cu Higuain nih goal tampi a khumh lai tiah ruahchan nak ka ngei. Tulio Higuain a dirhmun zoh ahcun a thabik dirhmun van phan dingah a har ngai mi asi, nain fawi tein a thabik dirhmun a phan zau lai tiah zumhnak ka ngei.

Tottenham he chuih ding mi ah Higuain hi a chuih dingmi min cazin ah ai tel lai maw ti mi a fiang rih lo. Checking an tuah mi ah zeibantuk harnak hna dah a um kho ti mi ka theih kho rih lo, cu ruangah siibawi te he bia i ruah hmasa a hau i, cu pin ah Higuain he zong kan i hmuh rih lo tiah” press conference ah a chim.

Higuain hi Sarri nih Napoli a tlaih  kum ah Series A ah puai 35 a chuih i goal 36 tiang a goal khotu asi.

SM

Be the first to comment

Leave a Reply

Your email address will not be published.


*