Rashford Hi Rooney le Ronaldo Bantuk In Club Legend

Rashford Hi Rooney le Ronaldo Bantuk In Club Legend Si Khawh Asi

Rashford hi Kum 21 lawng asi rih nain Manchester United caah puai 150 a chuih cang mi mino pumpululh chuih thiam pakhat asi. Rashford hi Manchester United legend pahnih asi mi Rooney le Ronaldo bantuk hmaikal (attacker) thiam pakhat asi kho mi asi tiah tu lio Manchester United coach Solskjaer nih a conglomhnak le a thangthatnak bia chim.

Record an tuah mi he cuaithlai tikah hmaikal thiam Rashford hi kum 21 lawng asi rih nain Manchester United caah puai 150 a chuih cang i, goal 41 a khumh khotu asi, teinak hrai pa 4 zong a ngah mi asi. Cucu England ram tu lio an captain Kane hi kum 21 asi lio ah goal 53 tiang a khumh khawh, asinain a biapi mi teinak hrai pakhat hman a ngah bal lo mi asi tikah Rashford nih hlawhtlinnak lei ah a tei deuh tiah kan hmuh khawh.

Manchester United legend Rooney le Ronaldo an pahnih fonh in Manchester United caah puai 559 an chuih i goal 253 tiang an khumh khawh. Manchester United club tuanbia ah goal tamcem a khumh khotu hi Rooney Man U caah puai 150 a chuih chungah goal 61 tiang a khumh khawh i a biapi mi teinak hrai pa 3 a rak ngah, Rooney nih Manchester United club caah puai 292 a chuih i goal 118 tiang a khumh khotu asi.

Ronaldo nih Manchester United caah puai 150 a chuih chungah goal 30 tiang lawng a khumh khawh i a biapi mi teinak hrai pa 2 a ngah.

Solskjaer nih Rashford konglam a chim mi cu “Rashford hi mino te kum 21 lawng asi rih, asinain a kum he i tlak lo in a puitling ngaingai, a cawlcangh mi zoh tikah kum 21 nak in a upa deuh mi bantuk asi. Rashford nih a tialmi Record zoh tikah Rooney le Ronaldo an no lio bantuk in asi i puai 150 a chuih chungah gaol 41 tiang a khumh khotu asi i, afiang kho mi cu hmailei ah a thiam ngaingai mi hmaikal pakhat asi  te lai” tiah a conglomhnak le a thangthatnak bia a chim.

Aluancia mi Brighton he an chuihnak ah zuamcawhtu hnukham (defender) a hlen hna ning le goal a khumh ning cu mipi nih si hna seh, media nih si hna seh a thiam ngaingai mi hmaikal pakhat asi tiah an thangthat ngaingai. A hnubik Manchester united nih zuamnak kip ah an chuih mi pua 10 chungah Rashford nih goal 7 tiang a khumh khawh i, a chuihti hawi goal khumhkhawhnak dingah voi 3 tiang a tuahpiak khoh tu asi i, a mah he ai pehtlai mi goal hi goal 10 asi. manchester Unted coach thar Solskjaer kuttangah goal tamcem a khumh khotu zanglek thiam pakhat asi.

Sports Chin

Be the first to comment

Leave a Reply

Your email address will not be published.


*