Chelsea Caah Pumpululh Chuih Lai Kai Ngaih Tuk Cang

Chelsea Caah Pumpululh Chuih Lai Kai Ngaih Tuk Cang by Higuain

Chelsea nih an cawk thar mi hmaikal Higuain nih club thar chelsea caah pumpululh chuih lai kai ngaih tuk cang tiah a chim. Chelsea nih kum 31 asi cang mi Higuain cu thla 6 hlan dingin lungtlin nak an ngeih mi cu nithum ni ah fakthanhnak an tuah. Higuain hi aluancia kum ah Juventus nih Milan sinah kum khat an rak hlanh mi asi i, tu cu chelsea ah an hlanh than mi asi.

Chelsea ah Higuain nih number 9 ai hruk lai. Higuain nih a chim mi cu “Chelsea ah țhial khawhnak caan țha ka hmuh mi hi a sunglawi tuk, Chelsea club hi a zungzal in ka uar ngai mi le ka duh ngai mi asi pin ah an tuanbia konglam kan zoh tikah a țha ngai mi asi. Cun Premier league ah chuih ka duh lengmang nak club zong asi.

Chelsea club nih ka cungah zumhnak an ka ngeih mi kha cerhtual ah langhter dingin kai zuam lai. Chelsea club caah pumpululh chuih lai kai ngaihtuk, ka hngak kho ti lo” tiah a chim.

Asinnain Higuain cu nithum ni, local time chun suimilam 12 hlan ah chelsea club si nak hmatpungtin an tuah manh lo caah Tottenham he chuih dingmi Carabao cup semi-final round 2 nak a chuih ding dingmi min cazin ah ai tel kho lai lo tiah theih asi.

#Sp

Be the first to comment

Leave a Reply

Your email address will not be published.


*