Sui Kedenbok Ho Nih Dah Lak Te Lai

Italy Series A Ah Sui Kedenbok Ho Nih Dah Lak Te Lai

Series A puai 20 an chuih chungah Sui kedenbok ho nih dah a co te lai timi zuamcawhnak a fak chin lengmang. Tuan deuh ahcun Juventus hmaikal Ronaldo le Milan hmaikal Piatek kar lak lawngah zuamcawhnak a um te lai tiah mi tamdeuh nih rak zumh mi asi. Nain tu ah cun zuamcawhtu Pa 2 an um than. Cu hna cu Sampdoria hmaikal Quagliarella le Atalanta hmaikal Zapata hna hi an si.

Cu chungah Atalanta hmaikal Zapata hi puai 8 chungah goal 14 tiang a goal khotu asi. Cu tikah Series A ah Sui kedenbok ho nih dah a co te lai ti mi ruahdamh a har ngaingai, Ronaldo nih Series A Puai 20 chungah goal 14 a goal, Piatek nih puai 20 chungah goal 13 a goal, Quagliarella nih puai 21 a chuih chungah 16 a goal khotu asi. Italy thawngzamhnak pakhat nih an langhter mi ah Puai 8 chungah goal 14 a goal khotu Zapata hi Ronaldo a zuamcawh khotu dirhmun ah a um mi asi tiah an langhter.

Kum 27 lawng asi rih mi Colombia hmaikal D. Zapata hi kum 1950 pinlei Series A tuanbia chungah thlakhat lawngah goal 8 chunglei goal a khumhkhotu pakhat nak zanglek celh thiam a si. cu lawng si lo in January 20 ah Frosinone he an chuihnak ah a mah lawng bak nih goal 4 a khumh khawh i, 1966 pinlei ah puai 1 chungah goal 4 a khumhkhotu pakhatnak Atalanta zanglek celhthiam asi .

Tulio Series A Goal Tamcem A Khumhkhotu Hna Min Cazin

Min Club Goal