Tuzing Pumpululh Thawngpang Tawi

Tuzing Pumpululh Thawngpang

*Bayern Munich nih Chelsea mino zanglek thiam  Hudson-Odoi cu pound 40 million tiang Pek in cawk dingin timhtuahnak an ngei. Khat lei ah Lazio zong nih Hudson- Odoi cu cawkdingin an duh pah ve.

*Real Madrid nih Tottenham Spur midfielder Eriksen cawk dingin timhtuahnak an ngei mi kha i let in, Chelsea zanglek thiam Hazard tu cawk dingin biapi ah chiah in timhtuahnak ngeih dawh dang an si

*Manchester United nih PSV zanglek celh thiam Bergwijn hi cawk dingin an duh ngai, Club lei nih zuar nan timh si ahcun Manchester United sin ah theihter nak kan tuah te uh tiah nawlnak bia an chimh hna tiah theih asi.

*Arsenal nih Barcelona hmaikal Malcom cawk dingin an duh ngaingai pin ah Barcelona midfield pakhat zong cawk dingin an duh ngai rih. Khat lei ah Milan hmaikal Perisic he zong i chawnhbiaknak an tuah liopi asi.

*Manchester City le an captain Kompany karlak sacho thar tuah than dingin i ceihhmai nak an ngei ko nain, zanglektu fitness kongah kap hnih kar ah har ngai in chimceihnak an ngei tiah thawngzamhtu nih a ti.

*Manchester United nih an captain asi mi Valencia cu tu zarh chungah thialnak nawl an pek khawh men, Newscastle le Fulham hna nih cawk dingin an duh ngai mi asi.

*Manchester City nih Fernandinho hmunhma chawngtu dingah ti in Schalke zanglek thiam Rudy cu cawk dingin an i zuat i, Germany club Schalke nih Rudy hi a tlawmbik pound 35 miillion tal an hauh te lai.

*Manchester United le Arsenal an chuih nak ah ai hliam mi Koscielny cu a tlawmbik thla 2 hrawngtal ai dinh a hau dingmi dirhmun in a um.

*Club dangah ai thial cang lai tiah thawngpang a chuah hnu ah West Ham club hmaikal Arnautovic cu club he 2023 tiang um dingin lungtlin nak sacho thar an tuah tha. Arnautovic hi tuan deuh ah cun Taluk club ah ai thial cang lai ti mi ruangah FA cup a chuih ding min cazin in an hlawt mi asi.

*Morata cu Tu ni ah Atletico Madrid nih zohfelnak an tuah i thla 18 chung Atletico ah um dingin sacho an tuah lai.

*Chelsea mino zanglek thiam Hudson-Odoi nih Baryern ah thialnak nawl pek dingin Club nawl ngeitu hna sin ah nawl nak a tuah tiah theih asi.

*Inter Milan nih Southampton zanglek thiam hnukham (defender) kum 27 asi mi Cedric Soares cu  Inter Milan nih i hlan dingin lungtlin nak an ngei cang i, kum vui lei ah cawk an duh si ahcun cawk khawh asi ti mi lungtlin nak zong an telh chih.

*Barcelona hnukham (defender) Jordi Alba nih a chim mi cu “Tukum cu Barcelona nih teinak hrai pathum ngah dingin timhtuahnak kan ngei tiah a chim, cu kum khat lawng sacho a tang mi zong a rauh hlan ah Club lei he sacho thar kan tuah khawh lai zong ka zumh” tiah ati.

SM

Be the first to comment

Leave a Reply

Your email address will not be published.


*