Puai 16 Chungah Goal 300 Deng A Goal Khotu Benfica Nu Pumpululh

Puai 16 Chungah Goal 300 Deng A Goal Khotu Benfica Nu Pumpululh Team

Portugal club Benfica nu pumpululh team nih pumpululh chuih a uar mi, mizapi cu khuaruahhar taktak in tuanbia thar an tial. Portugal Nu Pumpululh Committee kuttang ah a um mi second division zuamnak ah ai telmi Benfica nu pumpululh team nih League ah puai 16 an chuih chungah goal 293 tiang an goal khawh.

Video hi rakzoh ve

Benfica nu pumpululh team nih September thla avoi khat nak an chuihnak ah Ponte De Frielas cu 28-0 in an tei hna. Cu an chuihnak ah Benfica nih a caan khat nak lawngah goal 16 tiang minung 9 nih an goal khawh. Mah an chuih mi a dih tikah mipi cu khuaruahhar taktak in an um hna, cu hnu thawk in Benfica nu pumpululh team tiah van theih thluahmah asi.

Benfica nu pumpululh tean nih puai 15 an chuih tiangah goal 261 tiang khumh kho dingin an ke a chuak. Nizan ah CP Pego he an chuih nak ah Benfica nih 32-0 in an tei hna i, puai 16 an chuih chungah goal 300 a tlin nak dingah goal 7 lawng ai duh.

Benfica nu pumpululh team nih mah zahzah goal an khumh khawh tikah puai khat an chuih chungah a tlawmbik goal 18 tiang goal khawh a hau mi asi. Benfica nu pumpululh team nih tu bantuk in an thiam nak dihlak in an chuih khawh caah tei nak an hmuh hi asi ko.

Portugal club ah goal tamcem in teinak tuanbiak hlun an rak tial mi pakhat cu kum 1971 ah Sporting Lisbon’s nih Mindelense team cu 21-0 in an rak tei bal hna, tu ah cun Benfica Nu pumpululh team nih 32-0 in teinak tuanbia thar an tial, cu pin ah Puai 16 chungah goal 293 tiang a goal khawh lawng si lo in puai 16 an chuih chungah a dihlak in teinak a hmu, zuamcawhtu lei nih Benfica lei ah goal an khumh kho lo.

 

REF : the sun
HYA (momolay)

Be the first to comment

Leave a Reply

Your email address will not be published.


*